संविधानमा हाम्रो असन्तुष्टि कायमै छ भन्दै असोज ३ को दिनलाई राजपा नेपालले कालो दिनको रुपमा मनाउने

0
52
https://youtu.be/qX9p3Ao5dLE

आजकोकुरा:भाद्र २७ काठमाण्डौ ! आफ्नो विभिन्न मागहरु राखी राष्ट्रिय जनता पार्टी (राजपा) नेपालले प्रधानमन्त्री केपी शर्मा ओलीलाई ज्ञापनपत्र बुझाएको ५४ दिन अर्थात् डेढ महिना पूरा भएको ,तर, आजसम्म उनीहरुको मागको कुनै सुनुवाई भएको छैन । यसकारण आफ्नो मागप्रति सरकार उदासिन भएको भन्दै अब राजपा सरकारबाट समर्थन फिर्ता लिने मनस्थितिमा पुगेको छ ।

यसमा बबरमहलस्थित पार्टी कार्यालयमा सोमवारदेखि शुरु भएको अध्यक्षमण्डलको बैठकमा यो विषयमा प्रमुखताका साथ छलफल भइरहेको बताइएको छ ।
राजपा नेपाल सरकारमा न सहभागी छ, न प्रदेशमा सरकारको नै नेतृत्व गरेको छ ,र , न त आफुले राखेको माग नै पुरा भइरहेको छ ।अब यस अवस्थामा सरकारलाई समर्थन दिइरहनुको कुनै अर्थ नरहेको भन्दै पार्टीमा बहस शुरु भएको अध्यक्षमण्डलका एकजना सदस्यले संचारकर्मीलाई बताए ।
साथै,उनले ‘सरकारलाई दिएको विश्वासको मत फिर्ता लिनुपर्ने दबाब प्रदेश तथा स्थानीय तहबाट समेत आइरहेको हुनाले अब धेरै दिनसम्म यसरी त्यहाँ अल्झेर बसिरहनुको अर्थ रहँदैन भन्ने निष्कर्ष बैठकले निकालिसकेको छ । निर्णय हुन मात्र बाँकी रहेको छ,’ भने ।
रेशम चौधरीलाई सपथ ग्रहण गराउनु पर्नेदेखि लिएर आन्दोलनकारीमाथि लागेको मुद्दाका विषयमा राजपा नेपालका नेताहरुले प्रधानमन्त्री ओलीलाई ध्यानाकर्षण गराएका थिए । त्यसको जवाफमा प्रधानमन्त्री ओलीले यसको बारेमा मन्त्रीहरुसँग छलफल गरेर जानकारी दिने आश्वासन दिएका थिए । तर, सरकारले हालसम्म राजपा नेपाललाई कुनै जानकारी गराएको छैन ।
तसर्थ सरकारबाट समर्थन फिर्ता लिने अवस्था आएमा सरकारलाई अन्तिम अल्टिमेटम दिने विषयमा पनि छलफल भइरहेको छ ।

यसैगरी,सरकारले असोज ३ को दिनलाई संविधान दिवसका रुपमा मनाउन लागेको छ भने राजपा नेपालले त्यसलाई कालो दिनको रुपमा मनाउने निर्णय गरेको छ ।

 

LEAVE A REPLY