संक्रिय संक्रमितको संख्या २५ हजार यदि नाघेमा फेरि लकडाउनको सिफारिस

आजकोकुरा : असोज ७,काठमाडौं । स्वास्थ्य तथा जनसंख्या मन्त्रालयले कोरोना संक्रिय संक्रमितको संख्या २५ हजार यदि नाघेमा फेरि लकडाउन गर्न सिफारिस गरेको छ । बुधबारको नियमित प्रेस ब्रिफिङका क्रममा मन्त्रालयका प्रवक्ता डा.जागेश्वर गौतमले यस्तो कुरा वताए ।

मन्त्रालयको इन्सिडेन्ट कमाण्ड सिस्टमको बुधबार बसेको बैठकले २५ हजार बढी भए सक्रिय संक्रमित भए लकडाउन गर्नुपर्ने निष्कर्ष निकालेको छ । २५ हजार बढी संक्रमित भए अस्पतालको पूर्वाधारमा व्यवस्थापन गर्न गाह्रो हुने भएकोले बैठकले सो निर्णय गरेको हो । हालसम्म सक्रिय संक्रमितको संख्या १७ हजारभन्दा माथि छ ।

यसैगरी बैठकले कोरोना संक्रमणको दर बढिरहेकोले जनस्वास्थ्यका मापदण्ड पालना हुन नसक्ने सेवा र व्यवसायहरु कम्तिमा १ महिना सम्म नखोल्ने सिफारिस गर्ने निर्णय समेत गरेको छ ।

LEAVE A REPLY