प्रचण्ड र नेपाल समूह कर्णालीमा अविश्वास प्रस्ताव रोक्न छलफलमा जुटे

आजकोकुरा: असोज २७ , काठमाडौं। नेकपाका अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल समूहका नेताहरु कर्णाली प्रदेशका मुख्यमन्त्री महेन्द्रबहादुर शाहीविरुद्ध परेको अविश्वासको प्रस्ताव रोक्न छलफलमा जुटेका छन् ।

यसरी सोमबार दिनभर चलेको छलफललाई नेताहरुले आज पनि बिहानैबाट निरन्तरता दिएका हुन् र छलफलमा प्रचण्ड पक्षबाट मुख्यमन्त्री शाही, नेकपा कर्णालली प्रदेश कमिटी सचिव मायाप्रसाद शर्मा र प्रदेश सांसद बिन्दमान बिष्ट छन् भने नेपाल पक्षका नेताहरु प्रकाश ज्वाला, निरज आचार्य र ध्रुब शाही छन् ।

तरपनि , अविश्वासको प्रस्ताव दर्ता गराएका यमलाल कँडेल पक्षसँग भने छलफल हुन सकेको छैन । कँडेल नेकपाका अध्यक्ष एवम् प्रधानमन्त्री केपी शर्मा ओली निकटका हुन् । तर, स्रोतले जनाए अनुसार प्रचण्ड र नेता नेपाल पक्ष भने सहमति नजिक नै पुगेको छ ।

यसरी नेपाल पक्ष अविश्वासको प्रस्तावबाट पछि हटे मुख्यमन्त्री शाही फेरि बहुमतमा हुनेछन् । आइतबार मुख्यमन्त्री शाहीविरुद्ध अविश्वासको प्रस्तावमा हस्ताक्षर गर्ने १८ मध्ये सात जना नेता नेपाल पक्षका छन् र पूर्वमाओवादी पक्षका तीन जनालाई पनि फिर्ता गराउने प्रयास भइरहेको एक नेताले बताए । यसरी केन्द्रबाट धेरै दबाब आएकाले अविश्वासको प्रस्तावबाट पछि हट्ने सम्भावना धेरै छ भनेर ती नेताले बताए ।

LEAVE A REPLY